najiS oWh najiS~

aNothEr StoRy To maKe you smiLe.. hopeFuLLy ;)

Ceta ani datang diceritakan dari telinga ke telinga... dari mata ke hati.. apakan.. huhu
Masa jaman nini ku plang ni... banar kah inda tuhan saja yang tau. kana cetakan oleh nini kawan ku ke bapanya pastu ke kedia...

Yatah ceritanya...

Masa majlis nikah, imam kadi batanyakan pengantin laki.... sambil-sambil meredikan si pengantin laki kan di ijab kabulkan...

Ceritanya nini kawan ku ani si marke lah namanya, ramai pulang urang memeratikan, duduk besila mengelilingi imam kadi sama raja sahari. Pasal jarang meliat majlis majlis miani ani. si marke duduk bersila atu ingsut-ingsut mengampiri kan mendangar apa yang kadi tanyakan. Rupanya macam-macam jua ditanya imam kadi.

Imam kadi betanya pasal sehari brapa kali wajib sembahyang, laju lagi tu jawap si pengantin laki "lima tuan imam". Imam kadi betanya lagi, bagi contoh najis kecil, ia pun menjawap aying kamih baby. Imam kadi pun angguk-angguk, lurus tah pakah tu jawapannya.

Betanya lagi imam kadi ani, nya bagiku contoh najis basar. Bukan main labat paluh si pengantin laki..... tetulih kanan tetulih kekiri... si makre pun tegarak kan menulung mambagi jawapannya.. kan bisiknya takut jua ya kedangaran imam kadi... inda peadah-paedah ia yang karang kana nikahkan...

Munjung mulut si marke diam-diam menyabut " taei kuyuk tau babi", tapi inda jua paham si manis anie rasa jua kan menulung bisik si marke dalam hati.... di liatnya pengantin makin bepaluh-paluh menguliat macam giuk kana simbah.

Tapi inda lama lapas atu... macam semua urang arah majlis atu kana sampuk!.. banyak yang krem parut... semua yang lurus minum time atu menyimbur semula minuman abisdia memerancit... abis basah urang-urang yang inda bedusa.

Marke pun ia juanya, minuman yang baru ditaguknya abis memerancit ke muka imam kadi!
Apa inda... antadi bukan main sunyi semua urang kan mendangar jawapan pengantin masa kana tanya pasal najis basar.. jawap pengantin laki...

"Taei GAJAH!"